15食屍鬼之父 (第1/1页)

    流主和孖根正跟着发哥去找食屍鬼之父，希望可以跟他商讨欣澳的事，也希望可以取得收藏在乡土内的历史纪录。

    「多谢你．．．无谂过咁嘅情况，你都会企喺我依边．．．」流主感激说

    「系因为我知道发哥唔会开枪啫。」孖根说

    「你点知．．．？」流主好奇问

    「发哥好多年前同我系拍挡，我同佢亦已经识左好多年，佢虽然做嘢手段强y，但系佢系绝对唔会伤害食屍鬼。」孖根说

    「．．．原来系咁，咁佢其实都唔系好衰呀。」流主说

    他们跟着发哥来到了一个被护城河包围着的城堡，远看虽然宏伟，但走近了却发现它意外地小．．．

    发哥说：「老豆就喺入面。」

    走过了一条小吊桥，流主他们步进小城堡的内部。灯火Y暗的这里b实际看来更要狭小，而且光滑的墙壁和地砖看来也不像是一个城堡。往里面看，有一个顶着塑胶皇冠的食屍鬼坐在一个豪华的皇座上，他虽然如其他食屍鬼一样全身腐烂，但气宇轩昂的他举手投足都散发着领导者的气势。而且身边还有数个配有冲锋枪的部下陪同着，毫无疑问他便是食屍鬼之父了。

    发哥点头说：「老豆，我带左孖根同佢个人类朋友嚟。」

    「啊？做咩又返嚟？」食屍鬼之父问

    「孖根，你自己同老豆解释。」发哥不悦地瞪着孖根说

    孖根上前向食屍鬼之父点一点头说：「老豆，我地希望你可以救欣澳。」

    食屍鬼之父用火柴点起一口香烟说：「你从来都唔好管闲事，相信要求我嘅系你嗰位人类朋友，而唔系你。既然系咁，就请依个人类自己解释。」

    流主走上前说：「．．．欣澳宜家出现疫病，但系咁啱佢地储存医疗物资嘅医院因为一个不知明嘅仪器泄漏辐S，令佢地唔可以入去拎药物同使用自动医生。所以希望你地可以派人帮佢地清除辐S。」

    「发哥已经同我讨论过，我知道佢地宜家情况恶劣，所以我先赞成发哥把握时机将佢地斩草除根。你宜家倒转想我去帮佢地，唔通你唔知你地人类对我地做过啲咩？」食屍鬼之父说

    「我知人类对你地做左好多好过份嘅嘢．．．但系依啲已经系上一代嘅事，宜家欣澳嘅居民系无份害你地，亦无害过你地．．．何必要赶尽杀绝？」流主说

    发哥cHa话说：「哼，你系人类紧系咁讲。」

    「咁你地又唔算系人类咩？你地同我地生活方式有咩唔同？」流主问

    食屍鬼之父笑说：「後生仔，我地系食屍鬼。我地除左外表同你地人类唔同之外，我地无生育能力，亦唔会自然Si亡，而且我地唔会病，药物酒JiNg亦好难对我地产生作用。就连辐S我地都唔怕，甚至辐S可以治疗我地。咁样，我地都算系人类？」

    「既然系咁，点解你地要食饭要取暖？点解要饮酒要食烟？你地大可以搵个有辐S嘅地方生活，点解要同人类用同一种生活方式生活？我亦都知道你地收藏左好多历史纪录，点解你地要咁做？就系因为你地心入面，你地嘅灵魂，仍然认知自己系一个人类。就算躯壳唔同左，唔等於你地唔系你地。」流主说

    「．．．．．．」食屍鬼之父没有回答

    「人类又好，食屍鬼又好，都一样有感情。我地同样识得Ai、识得恨、识得笑、识得喊；我地仲同样会开心、会伤心、会挂念、会後悔，所以我地都一样系人类。唔通X无能就唔系人类咩？唔怕辐S就唔可以系人类咩？」流主说

    发哥激动说：「我地先唔系X无能！我地只系无生育能力！！」

    「咪系罗，所以，你地点解唔系人类？食屍鬼只系一个名词，只系用嚟区分我地嘅背景咋嘛。」流主说

    「哼．．．．．．」发哥无言以对

    食屍鬼之父说：「就当我地系人类，但系都讲唔通点解我地要帮佢地。人类就一定要帮人类嘅咩？」

    「咁唔通人同人之间就只有战争？」流主反问

    「哈哈，问得好。」食屍鬼之父笑着续说：「咁你又杀过几多人？」

    「．．．我．．．．．．」流主一时间不知道如何回答

    「点解你又要杀人？」食屍鬼之父追问

    「因为保护自己、保护人．．．仲有为左成个城镇嘅居民．．．」流主回想着青衣城的事说

    「我地宜家一样系为左保护自己、保护人同保护乡土，何罪之有？」食屍鬼之父说

    「但系佢地根本无攻击你地，唔通打一啲无反抗能力嘅人就系保护自己？佢地根本无恶意，我相信一定有两存其美嘅解决方法！」流主说

    「有咩方法好得过报仇雪恨，断绝後患同时得到物资？」发哥一脸不屑说

    「．．．有，就系救佢地。」流主认真说

    「哈哈．．．」食屍鬼之父笑着说：「咁真系要讲嚟听下。」

    「乡土唔系一直都有资源不足嘅问题咩？其实主要原因系因为外界嘅商人唔肯同你地做交易，亦唔会刻意穿过欣澳嚟同你地交易。」流主说

    「咁又点？依啲嘢我地早几十年已经知。」食屍鬼之父说

    「你地依度有钱，亦有充足嘅野生动物做食物，而且地大近海，天然资源充足。欠嘅就只系科技同技术。而乡土有咁多人，当中一定有唔少技术人士。即系话，你地欠嘅可能只系科技。而要得到科技，就一定要有贸易，要有贸易，就一定要有途径同外界接触。」流主说

    孖根cHa话问：「．．．用欣澳做媒介？」

    「无错！欣澳有科技有资源，好明显系因为有稳定嘅贸易，亦证明欣澳系喺商队嘅行商路线之中。佢地可以作为中间人，代替乡土同外界接触。除左地利，亦因为佢地系「人类」，又一直有同商队来往，佢地同商队嘅信赖关系一定好稳固，绝对可以为乡土带嚟生机。」流主说

    「．．．有道理。」食屍鬼之父认真起来

    「痴捻线！」发哥很大反应：「我地点可以信佢地？？我地点证明帮左佢地之後佢地会帮我地！？」

    「你地可以同佢地协议，制订一啲互惠互利嘅条件。」流主说

    「．．．你有咩提议？」食屍鬼之父问